आज मिति २०८०।०३।०७ गते बिहिबारका दिन शहिद लखन गाउँपालिकाले तेह्रौँ गाउँ सभा मार्फत आगामी आर्थिक वर्ष २०८०।८१ को नीति तथा कार्यक्रम र वार्षिक बजेट पेश गरी पारित गरेको छ । गाउँपालिकाले ६३ करोड ३० लाख १० हजार बराबरको बजेट पारित गरेको छ ।बजेटले कृषि, शिक्षा, स्वास्थ्य, पर्यटन लगायतका क्षेत्रमा प्राथमिकता निर्धारण गरी बजेट विनियोजन गरेको छ । बाह्य क्षेत्र सन्तुलनमा देखिएको दबाबलाई न्यूनीकरण गर्नका लागि पैठारी नियमन गर्ने संघीय नीतिले गर्दा वस्तु पैठारीमा आएको संकुचनका कारण राजस्व असुली घट्न गई स्थानीय तहहरुले प्राप्त गर्ने वित्तीय समानिकरण, राजश्व अनुदान लगायतका अनुदानहरुमा न्यूनता हुने भएकोले आगामी आर्थिक वर्षको बजेटको आधार चालु आर्थिक वर्षको तुलनामा कमी आएको छ ।चालु आर्थिक वर्ष २०७९।८० का लागि प्रक्षेपण गरिएको आन्तरिक आयको लक्ष्य रु १ करोड २१ लाख ३ हजार ५ सय रहेकोमा २०७९ श्रावण देखि २०८० जेठ मसान्तसम्म संकलन भएको राजश्व रु १ करोड ७५ लाख ८७ हजार ५ सय ८५ रहेको छ । जुन लक्ष्यको अनुपातमा करिब १४५ प्रतिशत रहेको छ ।गाउँपालिकाको आगामी नीति तथा कार्यक्रम तर्जुमाका लागि विभिन्न चरणमा प्रत्यक्ष,अप्रत्यक्ष रुपमा सहभागी भई सल्लाह,सुझाव, राय तथा परामर्श दिनुहुने राजनीतिक दल, विज्ञ सल्लाहकार समूह, नागरिक समाज तथा पत्रकार जगत्, नीजि क्षेत्र, जनप्रतिनिधि, राष्ट्रसेवक कर्मचारी तथा शिक्षक अगायत गाउँपालिकाका आम नागरिकहरुलाई गाउँपालिकाको तर्फबाट धन्यबाद व्यक्त गर्दै यसको कार्यान्वयमा समेत सहयोग तथा सहकार्यको अपेक्षा गर्दछौ ।

शहिद लखन गाउँपालिका स्तरीय आधारभूत तह कक्षा( ६-८ स्तरीय) वक्तृत्वकला प्रतियाेगिता शिक्षा युवा तथा खेलकुद शाखाकाे आयाेजनामा शहिद लखन गापा १ बक्राङ्ग स्थित बक्रेश्वर माध्यमिक विद्यालयमा सम्पन्न भएकाे छ। कार्यक्रम विद्यालय व्यवस्थापन समितिका अध्यक्ष लाल बहादुर गुरुङकाे अध्यक्ष्यतामा गाउँपालिकाका आदरणिय अध्यक्ष रमेश बाबू थापा मगरकाे प्रमुख आतिथ्यतामा शहिद लखनगापा वडा नं १ का वडाध्यक्ष प्रेम गुरुङ, शिक्षा अधिकृत राजेन्द्र खनाल लगायत जनप्रतिनिधि शिक्षक अभिभावक विद्यार्थीहरुकाे उपस्थिति रहेकाे थियाे। प्रतियाेगितामा जनशक्ति माध्यमिक विद्यालयकी छात्रा गुञ्जन अधिकारी प्रथम, सिद्धस्थानी माविकी छात्रा

गाउँकार्यपालिका तथा राजनैतिक दलहरु वीच नीति तथा कार्यक्रम सम्बन्धी अन्तरक्रिया कार्यक्रम गाउँपालिकाका आदरणीय अध्यक्ष श्री रमेश बाबु थापा मगरज्यूको अध्यक्षतामा कार्यपालिका सदस्य, राजनैतिक दलका प्रमुख एवं प्रतिनिधि लगायत कर्मचारीहरुको उपस्थितिमा आगामी आर्थिक वर्ष २०८०।८१ को नीति तथा कार्यक्रम निर्माण सम्बन्धी विषयमा छलफल सम्पन्न भएको छ।

मिति : २०८०।०२।२८

आज मिति २०८०-०२-२६ गते शहिद लखन गाउँपालिका ५ नं. वडाका वडा अध्यक्ष यम बहादुर थापा, वडा नं ४,५ का वडा सचिव क्रमशः रश्मा थापा, मनोहर ज्ञवाली तथा वडाका नागरिक, व्यवसायी र सरोकारवालाहरुको उपस्थितिमा गाउँपालिकाको करका दर, दायरा तथा गाउँपालिकाको राजश्वको अवस्थाको बारेमा अन्तरक्रिया गरी राजश्व सुधारका लागि जनतासंग गाउँपालिका कार्यक्रम सम्पन्न गरियो। समन्वय गरिदिने वडा कार्यालयहरु तथा उपस्थित करदाता तथा सम्पूर्ण वडावासीप्रती आभार व्यक्त गर्दछौ।