हामी सबै श्रमदानमा जुटाैं 

सिंजाली मा. वि. भवन निर्माणको लागि विद्यालयले सम्पन्न गर्नु पर्ने जग्गा ब्यवस्थापन, साइड क्लिरियन्स तथा वरपरको घर टहरा ब्यबस्थापन गर्न श्रमदानमा जुट्नु भएका जनसमुदाय, निर्माण समिति, अभिभावक ज्यूहरु साथै यस अभियानलाई हौसला प्रदान गर्न पुग्नु भएका शहिद लखन गाउँपालिकाका अध्यक्ष रमेश बाबु थापा मगर, उपाध्यक्ष इन्दिरा तिवारी, वडा नं ६,९,४ का वडा अध्यक्ष क्रमशः दिलिप नारायण थापा मगर, राम कुमार श्रेष्ठ, यम बहादुर थापा लगायत सबैमा हार्दिक आभार व्यक्त गर्दछौं ।

सबैले हातेमालो गरि श्रमदान गरौ उदाहरणीय बनौ, श्रम बाट नै विकास सम्भव छ ।

आज मिति २०८०।०२।२४ गते यस शहिद लखन गाउँपालिकाको आयोजनामा ७ नं. वडाका वडा अध्यक्ष श्री शरण श्रेष्ठ ज्यू, प्रमुख अथिति रमेश बाबु थापा मगरज्यू(अध्यक्ष) तथा विशेष अथिति इन्दिरा तिवारीज्यू (उपाध्यक्ष) लगायत ७,८ र ९ नं. वडाका नागरिक, व्यवसायी तथा सरोकारवालाहरुको उपस्थितिमा स्थानीय तहका करका दर, दायरा तथा गा.पा.को राजश्वको अवस्थाको बारेमा अन्तरक्रिया गरी राजश्व सुधारका लागि जनतासंग गाउँपालिका कार्यक्रमको दोस्रो दिन सम्पन्न भएको छ। समन्वय गरिदिने वडा कार्यालयहरु तथा उपस्थित सम्पूर्ण करदाता तथा वडावासीहरु प्रति हार्दिक आभार प्रकट गर्दछौ ।

शहिद लखन गाउॅंपालिका खोप समन्वय समिति संयोजक ( गाउॅंपालिकाको आदरणीय अध्यक्ष) श्री रमेश बाबु थापा मगर ज्यूको अध्यक्षतामा पुर्ण खोप पालिका घोषणा तथा दिगोपना सुनिश्चितता कार्यक्रम सम्पन्न गरियो । हाम्रो निमन्त्रणालाई स्वीकार गरेर कार्यक्रमलाई सफल वनाउन उपस्थित हुनु भएका स्वास्थ्य कार्यालय गोरखाको ज.स्वा.नि. नानि वावु दानि , प्र.प्र.अ. बाबुराम मगर, वडा अध्यक्षहरू दिलिप थापा र वासुदेव ढकाल , कार्यपालिका सदस्यहरू कृष्ण प्रजा र लुना थापा , वडा नं ६ का वडा सदस्यहरू , सवै स्वास्थ्यकर्मी साथीहरू , स्वयम सेविकाहरू र वडा नं ६ का आमा , दिदि वहिनिहरू समपुर्णमा हार्दिक आभार प्रकट गर्दछौ ।

शहिद लखन गाउँपालिकाभित्रका एकल महिलाहरुका लागि वित्तीय साक्षरता सम्बन्धी अभिमुखिकरण कार्यक्रम गाउँपालिकाका उपाध्यक्ष श्री इन्दिरा तिवारीज्यूको अध्यक्षतामा प्रमुख अतिथि शहिद लखन गाउँपालिकाका अध्यक्ष श्री रमेश बाबु थापा मगर, गाउँपालिकाका प्रमुख प्रशासकीय अधिकृत श्री बाबुराम मगर, वडा नं ४ का वडा अध्यक्ष श्री याम बहादुर थापा लगायतका व्यक्तित्वहरुबो उपस्थिति रहेको थियो। कार्यक्रममा प्रशिक्षक श्री सन्जय राना मगर र श्री अमिन गुरुङ्गले वित्तीय साक्षरता सम्बन्धी प्रशिक्षण प्रदान गर्न भयो। (मितिः २०८०।०२।१९)