आज मिति २०८०/१२/२५ गते यस शहिद लखन गाउँपालिकाले दोस्रो चौमासिक सार्वजनिक सुनुवाई कार्यक्रम २ नं वडा कार्यालयमा सम्पन्न् गरियो । यस शहिद लखन गाउँपालिकाका अध्यक्ष, उपाध्यक्ष, प्रमुख प्रशासकीय अधिकृत, १ देखि ९ वडाका वडाध्यक्ष, गाउँ कार्यपलिका सदस्यहरू र शाखा प्रमुख उपस्थिति रहि स्थानीयहरूसंग प्रत्यक्ष अन्तरक्रिया गरी कार्यक्रम सम्पन्न गरियो ।

आज मिति २०८०।१२।०२ गते शहिद लखन गाउँपालिकाको शैक्षिक सत्र २०८० को कक्षा ५ र ८ को वार्षिक परीक्षा सञ्चालनको सन्दर्भमा परीक्षा समिति तथा केन्द्राध्यक्षहरुको संयुक्त बैठक आधारभूत शिक्षा उत्तीर्ण परीक्षा समितिका संयोजक शहिद लखन गाउँपालिकाका आदरणिय प्रमुख प्रशासकीय अधिकृत श्री बाबुराम मगरको अध्यक्षतामा तथा उपाध्यक्ष इन्दिरा तिवारीको विशेष उपस्थितिमा सम्पन्न भयो साथै गाउँपालिका भित्रका सम्पुर्ण विद्यालयका शिक्षकहरुको उपस्थिति रहेको यस कार्यक्रममा सम्पुर्ण विद्यालयलाई प्रारम्भिक बाल विकास कक्षाका लागि शैक्षिक सामाग्रि हस्तान्तरण गरियो ।

आज मिति २०८०।११।३० गते शहिद लखन गाउँपालिकाको गाउँ सभाको चौधौँ अधिवेशनको दोस्रो बैठक र आर्थिक वर्ष २०८०।०८१ को अर्ध वार्षिक समिक्षा कार्यक्रम यस शहिद लखन गाउँपालिका अध्यक्ष रमेश बाबु थापा मगर ज्यू को अध्यक्षतामा सम्पन्न गरिएको छ ।
गाउँपालिकाका उपध्यक्ष, प्रमुख प्रशासकीय अधिकृत, १ देखि ९ नं वडाका वडाध्यक्ष, गाउँ कार्यपालिका सदस्यहरु, न्यायिक समितिका सदस्य, विषयगत शाखाका प्रमुखज्यूहरुको तथा कर्मचारीहरुको उपस्थिति रहेको यस कार्यक्रममा शाखा प्रमुख र वडा सचिवहरुले अर्ध वार्षिक प्रगति विवरणका बारेमा प्रस्तुति दिएका थिए ।