आज मिति २०८१/०३/२७ गते शहिद लखन गाउँपालिकाले आ.व. २०८०/०८१ को तेस्रो चौमासिक सार्वजनिक सुनुवाई कार्यक्रम सिञ्जालि मा.वि., वडा नं. ४ मा सम्पन्न भयो। गाउँपालिकाका अध्यक्ष, उपाध्यक्ष, प्रमुख प्रशासकीय अधिकृत, सबै वडाध्यक्षहरू, कार्यपालिका सदस्यहरू र शाखा प्रमुखहरूको उपस्थितिमा स्थानीय नागरिकहरूसँग प्रत्यक्ष अन्तरक्रिया गरियो। सहमत मिडिया प्रा.लि.ले ९ वटै वडाको अनुगमन प्रतिवेदन प्रस्तुत गर्दै वडाका गतिविधि, कमी-कमजोरी, सुधार गर्नुपर्ने पक्ष, सेवा-सुविधा र सूचना प्रवाहबारे जानकारी दियो। यस कार्यक्रमले गाउँपालिकाको सेवा प्रवाहलाई थप प्रभावकारी र जनमुखी बनाउन महत्त्वपूर्ण योगदान पुर्‍याउने विश्वास गरिएको छ। सहभागी सबै महानुभावहरूप्रति हार्दिक धन्यवाद ज्ञापन गर्दछौं।