आज मिति २०८१।०९।२६ गते शहिद लखन गाउँपालिकाको गाउँसभाको १६औं अधिवेशनको पहिलो बैठक सम्पन्न भएको छ। यस बैठकले वन ऐन, २०७७ (पहिलो संशोधन), आर्थिक विधेयक २०८१ (पहिलो संशोधन) तथा विनियोजन विधेयक, २०८१ (पहिलो संशोधन) पारित गरेको छ। गाउँपालिकाका अध्यक्ष रमेश बाबु थापा मगरको अध्यक्षतामा सम्पन्न भएको बैठकमा गाउँपालिकाका उपाध्यक्ष, प्रमुख प्रशासकीय अधिकृत, वडाध्यक्षहरु, गाउँ कार्यपालिका सदस्यहरु, न्यायिक समितिका सदस्यहरु, गाउँ सभा सदस्यहरु, विषयगत शाखाका प्रमुखज्यूहरु, कर्मचारीहरु तथा पत्रकारहरुको उपस्थिति रहेको थियो। सभा सम्पन्न गर्न प्रत्यक्ष,अप्रत्यक्ष रुपमा सहयोग गर्नुहुने सबै शुभचिन्तकहरुप्रती हार्दिक आभार प्रकट गर्दछ।