आज मिति २०८१।०१।२५ गते शहिद लखन गाउँपालिकाद्वारा "शहिद लखन गाउँपालिकाका विद्यार्थीसंग अध्यक्ष कार्यक्रम" सम्पन्न गरियो । यस कार्यक्रममा शहिद लखन गाउँपालिकाका अध्यक्ष ,उपाध्यक्ष ,प्रमुख प्रशासकीय अधिकृत , गाउँ कार्यपालिका सदस्य, शिक्षा समितिका पदाधिकारीहरु, गाउँपालिका भित्रका विद्यालयका शिक्षक र विद्यार्थीको उपस्थिति रहेको थियो । साथै यस कार्यक्रममा गाउँपालिका भित्रका जेहेन्दार, प्रतिभावान र  विपन्न विद्यार्थीलाई झोला लगायत विभिन्न शैक्षिक सामाग्रि हस्तान्तरण गरियो ।

मिति २०८१।०१।२० गते देखी शहिद लखन गाउँपालिका भित्रका  नवप्रवेशी शिक्षकहरूका लागि संचालन भएको "नवप्रवेशी शिक्षकहरूलाई एकिकृत पाठ्यक्रम (कक्षा १-३) सम्बन्धी कस्टमाइज्ड तालिम"  आज मिति २०८१।०१।२२ गते सम्पन्न भएको छ ।

नेपालका लागि अमेरिकी राजदुत महामहिम डिन आर. थम्पसन तथा पिस कोर नेपालबाट आउनुभएका प्रतिनिधि ज्यूहरुले श्री जनशक्ति माध्यमिक विद्यालय, शहिद लखन गाउँपालिका ९ नामजुङको अवलोकन भ्रमण गर्नुभएको छ। यसै अवसरमा विद्यालयको भौतिक तथा शैक्षिक पक्ष, विद्यालयमा कार्यरत पिस कोर स्वयम्सेवकबाट सम्पादित कार्यहरुको जानकारी लिनुभएको थियो। सो अवसरमा शहिद लखन गाउँपालिकाका आदरणीय अध्यक्ष रमेश बाबू थापा मगर, जिल्ला समन्वय उपप्रमुख लिला परियार, वडाअध्यक्ष रामकुमार श्रेष्ठ,  शिक्षा शाखा प्रमुख राजेन्द्र खनाल विद्यालयका प्रधानाध्यापक सहित शिक्षक, विद्यालय व्यवस्थापन समिति सदस्यहरु लगायतको उपस्थिति रहेको थियो ।