आज मिति २०८१|०२|१२ गते शहिद लखन गाउँपालिकाका उपाध्यक्ष इन्दिरा तिवरीको अध्यक्षतामा दलित हक हित संरक्षण सम्बन्धी जनचेतना कार्यक्रम वडा नं ७ र ८ मा सम्पन्न भएको छ । यस कार्यक्रममा प्रमुख अथिति जि.स.स., गोरखाका उप प्रमुख लिला परियार र विशेष अथिति  गाउँपालिकाका अध्यक्ष रमेश बाबु थापा मगर, वडा नं ७ र ८ का जनप्रतिनिधिहरू, स्थानीय राजनीतिक दलका पधातिकारीहरू, कर्मचारीहरू र स्थानीय जनसमुदायको उपस्थिति रहेको थियो ।

आज मिति २०८१।०१।२५ गते शहिद लखन गाउँपालिकाद्वारा "शहिद लखन गाउँपालिकाका विद्यार्थीसंग अध्यक्ष कार्यक्रम" सम्पन्न गरियो । यस कार्यक्रममा शहिद लखन गाउँपालिकाका अध्यक्ष ,उपाध्यक्ष ,प्रमुख प्रशासकीय अधिकृत , गाउँ कार्यपालिका सदस्य, शिक्षा समितिका पदाधिकारीहरु, गाउँपालिका भित्रका विद्यालयका शिक्षक र विद्यार्थीको उपस्थिति रहेको थियो । साथै यस कार्यक्रममा गाउँपालिका भित्रका जेहेन्दार, प्रतिभावान र  विपन्न विद्यार्थीलाई झोला लगायत विभिन्न शैक्षिक सामाग्रि हस्तान्तरण गरियो ।

शहिद लखन गाउँपालिका र गण्डकी प्रदेश प्रशिक्षण प्रतिष्ठान, पोखराको आयोजनामा “स्थानीय तहको वडा समितिलाई सहभगितामूलक योजना तर्जुमा र अनुगमन सम्बन्धी २ दिने तालिम" आज मिति २०८१।०१।२० गते शहिद लखन गाउँपालिकाका उपाध्यक्ष इन्दिरा तिवारी ज्यूको अध्यक्षतामा सम्पन्न गरियो । यस कार्यक्रममा वडा समितिका सदस्यहरू, गाउँ कार्यपालिका सदस्यहरू, वडा सचिवहरू र गाउँपालिका कर्मचारीहरूको उपस्थिति रहेको थियो । प्रशिक्षणमा सहजिकरण गर्नुहुने गण्डकी प्रदेश प्रशिक्षण प्रतिष्ठान, पोखराका प्रशिक्षकहरू दिल प्रसाद मगर र शरद न्यौपाने प्रति हार्दिक आभार व्यक्त गर्दछौ ।