आज मिति २०८१ साल फागुन २३ गते शुक्रबारका दिन शहिद लखन गाउँपालिका वडा नं ६ स्थित तिनघरे गाउँघर खोप क्लिनिकको नवनिर्मित भवनको समुद्घाटन कार्यक्रम गण्डकी प्रदेशका सभामुख माननीय कृष्ण प्रसाद धितालज्यूको प्रमुख आतिथ्यतामा सम्पन्न भएको छ ।

मिति २०८१ साल फागुन १५ गते बिहिबारका दिन शहिद लखन गाउँपालिकामा गोरखा जिल्ला न्यायिक समितिहरुको न्यायिक भेला तथा समीक्षा कार्यक्रम सम्पन्न भएको छ । उक्त कार्यक्रमको अध्यक्षता शहिद लखन गाउँपालिका उपाध्यक्ष श्री इन्दिरा तिवारीज्यूले गर्नुभएको थियो भने प्रमुख अतिथि जिल्ला समन्वय प्रमुख श्री मोहन बहादुर थापा मगर,विशेष अतिथि श्री लिला परियार,(उपप्रमुख, जिल्ला समन्वय समिति गोरखा), अतिथिहरु श्रीमान् शिव बहादुर रानाभाट(जिल्ला न्यायाधिस, गोरखा), गोरखा जिल्लाका स्थानीय तहहरुका उपप्रमुख तथा उपाध्यक्षज्यूहरुको कार्यक्रममा उपस्थिति रहेको थियो ।

आज मिति २०८१ फागुन १० गते, यस गाउँपालिकाद्वारा सञ्चालित सामुदायिक सिकाइ केन्द्रका पदाधिकारीहरूका लागि तीन दिने नेतृत्व विकास तालिम सम्पन्न भयो। गाउँपालिका अध्यक्ष, उपाध्यक्ष र प्रमुख प्रशासकीय अधिकृत को उपस्थितिमा तालिमको उद्घाटन गरिएको थियो। तालिममा शंकर कुमार प्रधानले प्रशिक्षणमा सहजिकरण गर्नु भएको थियो। साथै सामाजिक विकास समितिका संयोजक कृष्ण बहादुर प्रजा द्वारा सहभागीहरूलाई प्रमाणपत्र वितरण गरियो। सहभागी सम्पूर्णलाई धन्यवाद!

प्रथम शहीद लखन थापा मगर तथा उनका सहयोद्धा जयसिंह चुमि राना मगरको १४८औँ स्मृति दिवस शहीद लखन किल्ला परिसरमा गाउँपालिका अध्यक्ष रमेश बाबु थापा मगरको अध्यक्षता र जिल्ला समन्वय समिति गोरखाका प्रमुख मोहन बहादुर थापाको प्रमुख आतिथ्यतामा विविध कार्यक्रमसहित सम्पन्न भयो, जसमा शहीदहरूको सालिकमा माल्यार्पण, शहीद तथा बेपत्ता परिवारका सदस्यहरू र किल्ला विकासका लागि जग्गादाताहरूको सम्मान, गाउँपालिकाका उत्कृष्ट कृषक तथा पशुपालकहरूको सम्मान, स्थानीय कलाकारको प्रस्तुति, विद्यालयका विद्यार्थीहरूको नृत्य प्रदर्शनी र दोस्रो शहिद लखन कप पुरुष भलिबल प्रतियोगिता २०८१ का विजयी तथा सहभागी खेलाडीहरूलाई पुरस्कृत गरि