शहिद लखन गाउँपालिकाका अध्यक्ष रमेश बाबु थापा मगर , उपाध्यक्ष इन्दिरा तिवारी, वडा नं ६ र ४ का वडाध्यक्ष क्रमश दिलिप नारायण थापा, यम बहादुर थापा, प्र.प्र.अ. बाबुराम मगर, कृषि अ. ऋषि रोका तथा गाउँपालिका भित्र रहेका कृषकहरुको उपस्थितिमा यस शहिद लखन गाउँपालिका पशु सेवा शाखाको वार्षिक स्विकृत कार्यक्रम अन्तर्गत दुधजन्य परिकार खुवा र पनिर बनाउने तालिमको आज मिति २०८०।०३।१४ गते उद्घाटन गरीयो ।

शहिद लखन गाउॅंपालिकाको आदरणीय अध्यक्ष श्री रमेश वावु थापा मगर , वडा नं ४ का वडाध्यक्ष श्री याम वहादुर थापा ,भरतपुर अस्पतालमा कार्यरत नाक ,कान,घाटी रोग विशेषज्ञ डा. लाल वहादुर गुरूगंको उपस्थितिमा प्रयोगात्मक अभ्यास सहितको स्वास्थ्यकर्मीहरूको लागि नाक ,कान ,घाटीका रोगहरू सम्बन्धि २ दिने अभिमुखिकरण कार्यक्रम सफलतापुर्वक सम्पन्न गरियो।

आज मिति २०८०।०३।०७ गते बिहिबारका दिन शहिद लखन गाउँपालिकाले तेह्रौँ गाउँ सभा मार्फत आगामी आर्थिक वर्ष २०८०।८१ को नीति तथा कार्यक्रम र वार्षिक बजेट पेश गरी पारित गरेको छ । गाउँपालिकाले ६३ करोड ३० लाख १० हजार बराबरको बजेट पारित गरेको छ ।बजेटले कृषि, शिक्षा, स्वास्थ्य, पर्यटन लगायतका क्षेत्रमा प्राथमिकता निर्धारण गरी बजेट विनियोजन गरेको छ । बाह्य क्षेत्र सन्तुलनमा देखिएको दबाबलाई न्यूनीकरण गर्नका लागि पैठारी नियमन गर्ने संघीय नीतिले गर्दा वस्तु पैठारीमा आएको संकुचनका कारण राजस्व असुली घट्न गई स्थानीय तहहरुले प्राप्त गर्ने वित्तीय समानिकरण, राजश्व अनुदान लगायतका अनुदानहरुमा न्यूनता हुने भएकोले आगामी आर्थिक वर्षको बजेटको आधार चालु आर्थिक वर्षको तुलनामा कमी आएको छ ।चालु आर्थिक वर्ष २०७९।८० का लागि प्रक्षेपण गरिएको आन्तरिक आयको लक्ष्य रु १ करोड २१ लाख ३ हजार ५ सय रहेकोमा २०७९ श्रावण देखि २०८० जेठ मसान्तसम्म संकलन भएको राजश्व रु १ करोड ७५ लाख ८७ हजार ५ सय ८५ रहेको छ । जुन लक्ष्यको अनुपातमा करिब १४५ प्रतिशत रहेको छ ।गाउँपालिकाको आगामी नीति तथा कार्यक्रम तर्जुमाका लागि विभिन्न चरणमा प्रत्यक्ष,अप्रत्यक्ष रुपमा सहभागी भई सल्लाह,सुझाव, राय तथा परामर्श दिनुहुने राजनीतिक दल, विज्ञ सल्लाहकार समूह, नागरिक समाज तथा पत्रकार जगत्, नीजि क्षेत्र, जनप्रतिनिधि, राष्ट्रसेवक कर्मचारी तथा शिक्षक अगायत गाउँपालिकाका आम नागरिकहरुलाई गाउँपालिकाको तर्फबाट धन्यबाद व्यक्त गर्दै यसको कार्यान्वयमा समेत सहयोग तथा सहकार्यको अपेक्षा गर्दछौ ।

शहिद लखन गाउँपालिका स्तरीय आधारभूत तह कक्षा( ६-८ स्तरीय) वक्तृत्वकला प्रतियाेगिता शिक्षा युवा तथा खेलकुद शाखाकाे आयाेजनामा शहिद लखन गापा १ बक्राङ्ग स्थित बक्रेश्वर माध्यमिक विद्यालयमा सम्पन्न भएकाे छ। कार्यक्रम विद्यालय व्यवस्थापन समितिका अध्यक्ष लाल बहादुर गुरुङकाे अध्यक्ष्यतामा गाउँपालिकाका आदरणिय अध्यक्ष रमेश बाबू थापा मगरकाे प्रमुख आतिथ्यतामा शहिद लखनगापा वडा नं १ का वडाध्यक्ष प्रेम गुरुङ, शिक्षा अधिकृत राजेन्द्र खनाल लगायत जनप्रतिनिधि शिक्षक अभिभावक विद्यार्थीहरुकाे उपस्थिति रहेकाे थियाे। प्रतियाेगितामा जनशक्ति माध्यमिक विद्यालयकी छात्रा गुञ्जन अधिकारी प्रथम, सिद्धस्थानी माविकी छात्रा