शहिद लखन गाउँपालिका र वाइन टु वाटर नेपाल (WWN), काठमाडौं बिच स्वच्छ खानेपानी, सरसफाई तथा स्वच्छता (WASH) सेवा नपुगेका समुदाय, बिद्यालय र स्वास्थ्य संस्थाहरुमा वाश परियोजना कार्यान्वयनको समझदारी पत्र २०८१ श्रावण १६ गते हस्ताक्षर भएको छ। यो परियोजनाले हाम्रो गाउँपालिकाका विभिन्न क्षेत्रहरुमा स्वच्छ पानी र सरसफाईको सेवा पुर्याउने लक्ष्य राखेको छ।

सम्झदारी पत्रमा हस्ताक्षर पश्चात, वाइन टु वाटर नेपाल (WWN) को टिमलाई स्वागत पनि गरियो। यो परियोजनाले हाम्रो समुदायमा सरसफाई र स्वास्थ्यको स्तरमा महत्वपूर्ण सुधार ल्याउनेछ भन्ने आशा गरेका छौं।

आज मिति २०८१/०३/२७ गते शहिद लखन गाउँपालिकाले आ.व. २०८०/०८१ को तेस्रो चौमासिक सार्वजनिक सुनुवाई कार्यक्रम सिञ्जालि मा.वि., वडा नं.

मिति २०८१।०३।१८ गते राष्ट्रिय युवा परिषद् सानोठिमी, भक्तपुरको समन्वयमा शहिद लखन गाउँपालिका शहिद लखन गाउँपालिका सूचना र प्रविधिको सहि प्रयोग सम्बन्धी युवा स्वयम्सेवक विकास तालिम सम्पन्न गरियो। गाउँपालिका भित्रका सबै वडाबाट प्रतिनिधित्व गरेर आउनुभएका युवाहरूसंग विभिन्न विषयमा अन्तरक्रिया  तथा कृयाकलापहरू गरी कार्यक्रम सम्पन्न गरियो । प्रशिक्षणमा सहजीकरण गरिदिनुहुने भिम लाल श्रेष्ठ सर प्रति हार्दिक आभार व्यक्त गर्दछौ ।

आज मिति २०८१ साल असार १३ गते बिहिबारका दिन शहिद लखन गाउँपालिकाको न्यायिक समितिको आयोजनामा न्यायिक समिति पदाधिकारी र मेलमिलापकर्ताहरुका लागि क्षमता अभिवृद्धि सम्बन्धी कार्यक्रम न्यायिक समिति संयोजक इन्दिरा तिवारी ज्यूको अध्यक्षतामा माननीय न्यायाधिस श्रीमान् शिब बहादुर रानाभाट ज्यूको प्रमुख आतिथ्य, जिल्ला न्यायाधिवक्ता श्री सुरेन्द्रराज काफ्ले, गोरखा जिल्ला अदालतका स्रेस्तेदार मदनराज भट्टराई, प्रमुख प्रशासकीय अधिकृत, न्यायिक समिति सदस्यहरु, मेलमिलापकर्ताहरु र गोरखा जिल्ला अदालत र  गाउँपालिका कर्मचारीहरुको उपस्थितिमा सम्पन्न भएको छ ।